قصيده بعنوان : اسند ضهرك
بقلمي/أم هاشم العيسوي
من يوم ما عرفناهم واحنا ورا
زرعنا عشانهم جناين ود وجدعنه
واتقابلنا بالظلم ودا ليه يا تري
ما اتغيرتش والله زي ما انا
بس احنا طيبتنا كانت بغشم
عملنا ايه لما صبرنا سنه ورا سنه
وكسبنا ايه من كلمة معلش ومن العشم
وتدي مهما تدي اللي ف ايدك محسود
طالع من بيت كرم وعين مليانه
ولسه هنقابل ياما وربنا يكفيني.. موجود
نصون ولا نعرف معني كلمة خيانه
ولا حبنا كان له آخر أو حدود
قيدنا عشانهم صوابعنا شمع
وعرفو بفضلنا معني الكرم والجود
حصدنا من وراهم حسره ودمع
واللي داخل في شبكاهم مفقود
ضحينا بأيام وليالي لأجل عيونهم
ونداري ولا عمرنا قولنا آه او نشتكي
سعينا سنين نحافظ عليهم ونصونهم
والقسي منهم قصص تتسرد وتتحكي
ولو زعلو كنت ندعي يكون في عونهم
وفي الآخر نكرو جميلنا وباعونا رخيص
وضاع من عمرنا سنين فوق سنينهم
وبكره يعوضنا باللي يقدرنا بالنفيس
اسند ضهرك بس واقعد اتفرج
دي الايام مش بسهوله بتنسي ولا بتهرج
دول يا صاحبي وكما تدين تدان
ومهما تكون طالب بتتعلم مسيرك يوم تتخرج
